Bubagrani Borom Maharaja Bir Bikram Manikya International Airport phainai talo kheno phiyogwi rojaksinai Hayungo

 Kok roma Kok supungkha Haste Haphang - Bubagrani mwngwi Borom Hayungni Bwskango  Social Media Photo Tripura: Aghio omo hai haphang tongmani...

 Kok roma Kok supungkha Haste Haphang - Bubagrani mwngwi Borom Hayungni Bwskango 

Social Media Photo

Tripura: Aghio omo hai haphang tongmani Tiprasa rogni bangwi kisa phanu wanswk jak liya - Thaini mwng twrwk twrwk swlai kha Kami ni mwng hundi Chamungni mwng hundi Laibuma ni tha hundi - bebak swlai khibi baikha. Tripurani  Naithothak Risa nw sani borom rona rwngliya o haphang. Abo simiya Bubagrani tanglangma Ujyanta Palace eba Rajbari nw sanu phiyok lang liya o Haphang - swlai khibi kha Tripura State Museum mungwi paithak o kwbangma Rally khaima Yakulu kichoksa khaiwi thepa jakha Ujyanta Palace hinwi. 

Abo haikheno kwtal haphang Naising laijak Tripura ni luku rok - bwphro swlai jak sinai hinwi. Kwbangma sakthar laimung ni bisingo 2018 bisio kwbwi kwbwi nw Tripura ni luku rok Kwtal Haphang mankha. Aphro Election ni swkang Bubagrani mwng bai Airport mwng pharnai hinwi kok roma BJP haphang kok swpwngkha Tripura ni luku rokni bangwi - Tiprasa rogni bangwi. Omo nw Bubagrano Hayungo Borom rojak ma. Omo sai kotor tei tamo borom tongsi?     

Tabok Hayungo no Bubagrani mwng bai sini jag sinai - Borom thwiya sakni bangwi rojagwi thang sinai. Maharaja Bir Bikram International Airport Phainai Talni November ni 15 tarik hai rokheno phiyok jak sinai. 

Abono Phiyogwi ronabnagwi Bharat Hakotor ni PM Narendra Modi ni yaktwi phiyok jaknai hinwi koktwma kasawi tong kha. PM MODI phaiya phanu Union Minister Amit Shah phanu Bubagrano Borom roma pandao majagwi phaiwi manu. 

Jora kisani bisingo phanu Kwtal Haphang belaino samwng tangkha hinwi luku rokni gosemung. Omo hai kheno tei bw bisa hundu kotor hundi belaino borom yaphar jakha Tiprasa rogni bangwi.