Tripura Gang rape: Sakni sinijak hinwi nokni okharma romphrejak kha pal bai

 Tripura Gang rape: Horbai horsano swlaiso gang rape     Tripura,31 March,21:  Kaisa kirima swngsa Gang rape Khowai amchaini khatiabario - k...

 Tripura Gang rape: Horbai horsano swlaiso gang rape

 

 

Tripura,31 March,21:  Kaisa kirima swngsa Gang rape Khowai amchaini khatiabario - khoroknwi bwrwi chaslok nw 8jon chwla sikla rok romphre laikha horbai horsano.Bwrwi chaslok rok sakni sinijak hinwi nok ni okharma nogo kiphil liya. Khoroknwi sinijak borok bike bai phaiwi naphai kha borogno.Bwma bwphano sarik 7ta tamma bisisngono nogo kiphilnai hinwi sawi thangma nogo hor 12ta tam phanuse kiphil liya.

Khatiabari thaio twlangui thangkha borogno ora teibo chwla sikla rok 6jon ora thaio phai manjak phailai phiya borogbai.Aboni yakulu romphrenai rok bolong siring siringo thulangwi thang laikha - Borogni Bike no bolongo berawi bwrwi chaslok khoroknwi nw romphrena chenglaikha. Police ni samatwi bwrwi kharokwi no swlaiso swlaiso nw romphre jak kha hinwi - Belaino kirijak belaino wanajak bisngo phanu, Bahai bahai khe no nokni borogno bwrwi chaslok rok horo 1ta dighi koktwma rohorwi mankha.

Koktwma mankha hinkheno police rok othaio thangwi sogwi laikha swrapsani bisingono. Sogwi kheno borog khoroknwi no Khowai Hospitalo twlangwi thangkha. Borogno teibo kaham naikolmung ronabangwi borogno GB Hospitalo refer khaijak kha. Borog khoroknwi no belaino sak hamya kwlai jak.

Tei baisa Police rokbo 24ghata bisingo no romphrenai rokno rwtwgwi romlaikha. Police rok IPC 341/3766(D)/506 oh raida bai silsa jak kha. Romphrenai rokno tini court o twlangwi thangjak nai.

Romphrenai rokni mung ungkha - Bimal Debbarma (22), Micheal Debbarma (19), Jaggu Debbarma (21), Rishita Debbarma (19), Bikash DEbbarma (22), Nitesh Debbarma (21), Jewel Debbarma (19), Biresh Debbarma (19).

Police rogni samatwi teibo sawi mankha bwrwi rogni bisi se bang ya kho - Khoroksani 14 tei Khoroksani 15 bisi no hinwi manu.