Kwtal yaphri haste haphang - hukba khainai rogni bangwi kwtal " Farmer Training Center" Kwbangma thaio photo source: facebook Tri...
 Kwtal yaphri haste haphang - hukba khainai rogni bangwi kwtal " Farmer Training Center" Kwbangma thaio
 |
| photo source: facebook |
Tripura: Sana thangkhe agulini hachalo jampuihill dighi tongma amchai vanghmun chikontia thai wngtwtwi hasteni jotoni swlai kwchung kami hwnwi shinijago. Hukbar no tui joto kok saimanui mannatui jampuihill ni vanghmun amchaio, Farmers knowledge centre no chengwi rwkha Montri okra Biplab Kumar Deb, hukba tei beraikhiri montri Pranajit Singh Roy bai dopha hamkrai montri Santana chakma. Baksa no beraikhiri no phuwarnani yapri nawui, Vanghmun ni phuldungsei amchaio khungsa kwtal tourist lodge bo phiyogwi rwjakha. Â
Â
Ayang phaisingni naikolmung no tui press bai kok sakha montri okra Biplab. Kwbangma juda juda hoda, hukumurokno karwi, swkang Chwng wngkha jotono Bharat ha ni bwsarok aboni ulose Tripura ha ani bwsarok, tei aboni ulose chwng juda juda hoda ni bwsarok. Hai hwnwi sawui hasteno thinango kwchugo tisa bagwi jotono pal baksa thansa wngwi samung tangnani kobokha montri okra Biplab Kumar Deb.
No comments