Bubar Debbarma nw sabo sogwi bwthar kha?

 Bubar nw tide bwthar na naikha na sak bai thang thwina nai kha? photo: Social Media Kalyanpur  27,11,20:   Rubber bwlwngo khoroksa tiprasa...

 Bubar nw tide bwthar na naikha na sak bai thang thwina nai kha?

photo: Social Media

Kalyanpur  27,11,20:   Rubber bwlwngo khoroksa tiprasa sikli ni mang sok jak khaiwi mankha. Bwrwi ni mwng Bubar Debbarman nwkhung ni borok bono rubber bulungo manmani yakulu Gb sak-ham nogo tobo laikha. Bubar ni aswk omar bw ung ya kho - tabok nw 22 bisi ung drop kho.

Tabok jora bahai khe - tei sabo bwthar nai naikha, kebo sawi manya kho. Sak-ham nogo tabo phanu bini langma nw narwk manliya. Bini mang bebak nw kham jak ungwi thang bai kha.

 

Bwpha Samendra Debbarma sajwk nw kwmajagwi tabok nwkhung mwktwi bai kwplwng ungwi thang kha. 

Romphere wi de bwthar kha bono?

Strike salnwi thangma bangwi de - aphro de bwthar jakhana. Tabok jora kebo sawi manya kho. Kalyanpur ni police o case nw tabok kaham khe nw  naiwi tongo.