25/26 Tripura hasteo Biswajit Debbarma thwima nw twi strike ringkhlai kha

 TPF Tei CPIM party rok ringkha Strike  Agartala : Phainai 25 tarik tei 26 tarik ni sal o hasteo strike ungwi manu, Mwchang Biswajit Debbarm...

 TPF Tei CPIM party rok ringkha Strike 

Agartala: Phainai 25 tarik tei 26 tarik ni sal o hasteo strike ungwi manu, Mwchang Biswajit Debbarma thwi thang jama nw twi. Kanchanpur amchaini Panisagaro Bru rogno thai riya hinwi jole jak Nagrik Suraksa Macha tei Mizo Convention ako rok, Sarkar raida bai 144 rojak phanu borog maniya khaiwi raida nw swbhai kha. Biswajit sakni duty khaite khaite protest khaimani mung bai kuthumwi tok jakma bai thwi thang kha sakham nogo sok phaikhe nw.

 

Biswajit Debbarma ni nukhungo mwktwi bai kwpulung tabok - bwpha ni bike kwtal kanai hinwi naising jak bwsa jwk. Bwpha bw kwma kha bi ni imang baiwi thang kha Mwtaichajak Biswajit ni.nukhung.

 

Aswk chikonsa bisi o nw bwpha nw yakarwi thang kha borok nw. Khabai jak Tiprasa dopha rok - kwbangma political party tei NGO hai motha rok chwrai ni thinang chungsa sa ung thung hinwi rang chuba nani gosi bai kha. Hasteni Mantri Okra bw 5 lakh chuba nai hinwi goshi kha.Tipra motha ni Bubagra Pradyot bw gosi kha.