COVID-19 nw kasuna bangwi Tripura hasteo Mask thuya rogni bangwi bwswk rang khaina nangnw? Tripura 26 May 2020 : Chini hasteo tabok...
COVID-19 nw kasuna bangwi Tripura hasteo Mask thuya rogni bangwi bwswk rang khaina nangnw?
Tripura 26 May 2020 : Chini hasteo tabok phanu baksa bisha chaya tei mask thuya kwbangma tong kho. Tabok twrwk twrwk hasteo Tiprasa amchai rogo bw phainai chengkha Corona Virus. swkang swkang khe belai kiri laima nwk jakha - haiphanu tabok aswk nwk jak liya. Kubun hasteni nogo sok phai baikha, Borog bw aghi tongtwi kami berai jak mang.Â
Hasteo kwbangma tabok phanu kubun haste ni sok phaiya tong kho - borognw tei bw raida kwrak bai quarantine kaham khe khaina nangnai hinwi kwbangma kami amchai rogo kok chap laima nwk jakha, kwtal phainai ung thung eba sok phai jak borok phanu ung thung.
Mask thuya rogni bangwi bw tei naikal na nang tong kha hinwi kok salaima nwk o, Â Mask thuya hinkhe hati o mai mwi pai manglak hinwi tei 100 ni mask thuya rok 1000 rang rowa nang nai hinwi kok chaplaina chengkha.Â
No comments