Hati khamjak thaio MLA Ram Pada Jamatia

Hati khamjak thaio MLA Ram Pada Jamatia Miya hor thangnaio Jampuijola amchaio Bidhi Bazar khamwi thapla chawi thang kha - sogwi kha ...

Hati khamjak thaio MLA Ram Pada Jamatia

Miya hor thangnaio Jampuijola amchaio Bidhi Bazar khamwi thapla chawi thang kha - sogwi kha MLA Ram Pada Jamatia

Jampui, 15 January 2020 (BN): Hangrai ni horo tongthok chathok joto thaio nw khatung khaja tongma jorao Bidhi Bazar o khe hor bai hati ni bebak hati nok khamwi thang bai kha miya horo. Thapla chawi thang kha Tiprsa rok hati khaiwi nukhung mwthang tong jama rok thapla chawi thang kha. 

Tini Phuwai jorao aa deramung rok nw naiwi manjak liya ungwi MLA Ram Pada Jamata thangwi manjagwi kha Bidhi Bazar hatio. Tei bw bini palo thangwi manjagwi kha Shipahijola ni DM Tei Gulaghati ni MLA ako rok. 

 

Tripura sarkar je hati nokphang rok nw thinango kisa misa chuba mwng rowi manu hinwi kokthuma thumanai rok ni bisingtwi kokthuma mankha. Hati kham thanio belai kwbang rang puisa ni khatu ung ma nwk jak kha - bebagwi 80-90 lakh hai kwma kha miya.