TREATMENT NI BAGWI GUWAHATI O THANGSINAI BUKHUK LAISHA DEBBARMA

Lukurokni Chubachu tei Surimung bai kaham Treatmentni bagwi 25th July o Guwahati o thangna naikha Laisha Debbarma             Champakn...

Lukurokni Chubachu tei Surimung bai kaham Treatmentni bagwi 25th July o Guwahati o thangna naikha Laisha Debbarma

 

          Champaknagar, 17th July [BN]: Lukurogni chubachu,hamjakma tei surimung manma bai bukhuk Laisha Debbarma kaham treatmentni bagwi Guwahati o thangsinai 25th Salmari o. Laisha tei bini Family Tripura Haste yakarnai 25th July o. 26th July ni salmari o Guwahati ni Sri Sankaradeva Nethralaya Hostpitalo Naharjakha Appointment.

Source: Facebook[Pradyot Manikya]

          Laisha Debbarma chwrai phangsini simi mokol hamya bagwi kahamkhe nukjaya. Buibai baksa porina muchunbo porimanjaya bo. Laisha ni buma-bupha song agi bo bono phatar haste o mokol nairwna bagwi twlangkha phiyaba rang kulokya wnglaima bai aphuru hamrwi manbulailiya Laisha ni buma-bupha song. Tabuk khe lukurogni chubachu tei surimungni bisingtwi Guwahati o Laisha ni buma-Bupha song tei waisa bono Operation ni bagwi twlangnai. Phiyaba Laisha ni mokol Operation khaina thangthani lukurogni chubamani rang puisa kulokya phano wngui mano. Aboni bagwi 25th July ni simi operation wngyasak jora lukurog no chubai tongna bagwi kobokkha Laisha ni buma-bupha song. Tripura Hasteni Bubagwra Pradyot Manikya Debbarma bo laisha no chubakha tei Bubagwra Laisha no kok rwkha Operation khwlaiphuru bo Laisha ni logi o no tongnai hwnwi.