Mandai R.D Block amchai ni Rwngnog Mandai Bazar H.S School o rwng swrwngnai rokni achukthai,Pherang,Fan tei chati rok kwrwi Photo Sourc...
Mandai R.D Block amchai ni Rwngnog Mandai Bazar H.S School o rwng swrwngnai rokni achukthai,Pherang,Fan tei chati rok kwrwi
 |
| Photo Source:- FACEBOOK |
    Agartala, 17 July [BN]: Mandai R.D Block amchaini Mandai Bazar H.S School o rwng swrwng tongnai rokni bagwi achukjaknai achukthai kwrwini bagwi rwng swrwngnai rok haa o no achukgui maporilaijao. Watwi phaike haa kisi wngui thangma bai swrwng tongnai chwrai rok achukgui manya wngu. Ahaikheno swrwng tongnai chwrai rok haa kisi rogo achukgui porioi matongbaijakha. Rwngnokni tailam tei doga bo kwrwi hamya mamang. Abono karwi Rwngnogo kwrwi Pherang.
      Mandai R.D Block ni kwchamkuk Rwngnok rokni bisingo kaisa wngkha Mandai Bazar H.S School. Phiyaba aswk kwcham rwngnogo se kwrwi pherang tei swrwngnaiÂ
rokno bagei achukthai rok. Watwi phayui twi lomkhebo twi hornani lama khwlaijakya. Mandai hai amchai kotorni kaisa Higher Secondary Rwngnok wngui tongui tongui se
Rwngnogo kwrwi Fan tei chati rok. Amchai ni M.D.C, M.L.A tei Tribal Welfare ni Minister rokbo thangui naikolnai kwrwi.
No comments