Hasteo Ker Mwtai palaima sal tini - Kha kaham yaphar kha Mantri okra Agartala 23 July 19 (BN) : Kwdwkma sal romwi nw Tiprasa dop...
Hasteo Ker Mwtai palaima sal tini - Kha kaham yaphar kha Mantri okraÂ
Agartala 23 July 19 (BN) : Kwdwkma sal romwi nw Tiprasa dopha rok Ker mwtai palai phailai jamani - omu joto hasetni bwkung bara rogni kwthar mwtai palai mwng. Ker mwtai hasteni dophani hamkhrai ni bangwi mwtai palai jago. Kami amchai rogo sal kaham naiwi bisi ni waisa palai jagwi tongo ker mwtai.Â
 Haste ni mantri okra Ker mwtai nw twiwi joto hasteni borok rok nw kha kaham yaphar jakha tini. Hastenu joto borok thansa tei kwchwgo tisa nani Mantri okra Biplab Kumar Deb ni uanswk mwng. Abo simiya haste ni plastic free khaina ni tei Tourism thai swnam nani bw Mantri okra ni uanswk mwng.Kwthar Ker Puja ni jotono no ani kha kaham yapharjao. Kharchi Puja palaimani hati baar-nwi ni yagulo no #Ker Puja palaijago. Phaidi chwng thansa tongmung tei bayapchari ni ter no palailainai.— Biplab Kumar Deb (@BjpBiplab) July 23, 2019
Mwtai chwng no hamari rwjathung. pic.twitter.com/9LALqzXrVN
No comments