Beraikhiri bedek rok Khung-char(8) kwtal rung (boat) rwkha Chakwrakma mwtai berai nai rokni bagwi        Agartala, 21 July [...
Beraikhiri bedek rok Khung-char(8) kwtal rung (boat) rwkha Chakwrakma mwtai berai nai rokni bagwi
       Agartala, 21 July [BN]: Beraikhiri bedek Chakwrakma mwtai no nainai rokni bagwi 1.5 crore rang khibioi donaijat rung(boat) kwtal rwnani kokchapkha. Beraikhiri bedek samatwi, Chakwrakma mwtai o tabuk salburum borog burung burung thango. Hati kaisa o se khorok 500 ni sai phano kwbang borok kuthumu. Salburum no burung burung borog twi o rung kanani tei chakwrakma mwtai no naina bagwi thanglai o. Tabuk Chakwrakma mwtai twima o bebakgwi Kai-ba(5) se rung(boat) tongo, TTDCL rokni kaitham tei kainwi hwnkhe amchai ni baniya khainai rokni se. Waisa wuisu khe Engine derai thangma bai kaisa-kainwi rung swlamma thai o sogui o.
        Chakwrakma mwtai o tabuk salburum borok bangwi tongma bai TTDCL rok tei Khung-char(8) rung kwtal rwnani kokchapkha. Tabuk kwtal khung-char(8) ni bisingo Khung-ba(5) tongnai chakwrakma ghati o tei Khung-tham(3) tongnai Maharani ghati o. Aboni bisingo khung-dok(6) wngkha khorok-nwichi(20) twimanaijat FRP rung tei khung-nwi(2) wngkha khorok-chinwi(12) twimanaijat rung. Aboni bisingo tongo Korai Mak-brwichi(40 Horse Power) ni phaan ni Engine tei Korai Mak-bachi(50 Horse Power) ni phaan ni Engine thapajak.
       2019 ni June talo rung tubunani kokchapmani abo kubui wngnai 25 July ni salo tei rung kwtal cholinai 15 Sept sal ni simi. Rung kwtal derakhe swlamna bagwi Bisi-ba(5yrs) ni contract tongnai phalnai rokbai. Kwcham tei kwtal rung waisabai khorok-sai(1000 people) borok rwkai manai. Twima botok beraina simi c dam-nwi(2 Hours) jora nang thangu. Aboni bagwi ongkhorjaknai -kasajaknai thai kai-nwi(2 jetties) swlamjaknai tangwi hwnmale jora komni bisingo no berainai rok kasai ongkhor mannaijat.
No comments