Lukurogni Khatung khajani bisingtwino Laibuma by kwrwngjak Mwtai Kharchi ni Ter paikha        Agartala, 18 July[BN]: Belaik...
Lukurogni Khatung khajani bisingtwino Laibuma by kwrwngjak Mwtai Kharchi ni Ter paikha
       Agartala, 18 July[BN]: Belaikhe khatung khajani bisingtwino sisitini laibuma bai kwrwngjak mwtai Kharchi Ter paikha. Watwi phaiphano borog rokni kuthummani komiliya. Watwi ni bising bising Tripura Hasteni kwbangma thai ni borog rog phai naiphailaikha Ter no. Watwi phuru phano se mwtai nok gana-gini borok kupulung. Tripura Hasteni lukurog no karwibo phaika phatar hasteni lukurok.Â
     Ter o phainai borog rog jottono khatung khajakhe manwi rok pailaikha. Phiyaba baniya khainai rok sakha, watwi ni bagwi thanai bisi ni hai taklai aswk manwi rok paijakliya hwnwi. Takwlaibo manwi phalanai rokni bisingo wanjwi-Tipra jottoni mwkhang nukjakkha. Puran Habeli amchai o tabuk baniya khainai rok janija manwi tisai twlangna chengkha. Raj Chontai sakha, taklai bo agini hai Raida no rwgwino mwtai khwlaijakha hwnwi sakha. Ter bo kaham kwrwngkheno paikha hwnwi sakha bo. Kwraksalo Ter paikha hwnwi sakha Chontai.
No comments