CAB tesa phaiwi manu hinwi Amarpur o Bubakgra Pradyot ni rally

Bubakgra Pradyot Amarpur amchaio CAB ni rally Tesa Citizenship Amendment Bill phaiwi manu hinwi Amit Shah samani bangwi rally Amarpur...

Bubakgra Pradyot Amarpur amchaio CAB ni rally

Tesa Citizenship Amendment Bill phaiwi manu hinwi Amit Shah samani bangwi rally Amarpur o

Amarpur 3 March (BN): 3rd March o Amarpur amchaio Congress bai sungsa jak kaisa CAB nw twiwi panda sungsa jak. Citizenship Amendment Bill haino tesa phaiwi manu hinwi sakha Bubakgra Pradyot. Amarpur amchaio belai borok kuthum kha Tiprasa ung thung Uansa ung thungo. BJP ni president Amit Shah tesa Citizenship Amendment Bill phai phiwanu hinwi sama bai belai kuthum laikha dopha rok.

Puila Jati Ulo Party tamo, Tiprasa party de na Congress party ?

Paithak ni Tiprasa rok ni pwito chajaknai borok ung kha Bubakgra Pradyot. Tabok Bubakgra nw karwi tei kebu nw pwito chajak nai borok kwrwi kha. Bubakgra sanu haino hai bwi haino ungwi thang khe tei kebu nw pwito chajaknai kwrwi khanai kha.

Waisa ba Puila jati ulo party hinwi Tiprasa ni mwng bai eba Tiprasa ni thinang ni bangwi kaham hinwi dopha rok joto kuthum lai phailai jakha. Aa sakthar mwng ba Lok Sabha ni bangwi simi de ungwi thang nw.

Aghio CPIM khaiya rok tabok joto BJP , aghio je CPIM khainai rok joto congress ungwi thang kha. Amarpur amchai ni cpim ni singer Nandi Gopal Jamatia tabok kwtal khaiwi Congress ni Singer eba Rwchap nai ungwi thang kha.

Dopha ni khugo khuna mani kokthuma- Puila Jat Ulo party hinwi “BRAIN WASH” de khaina cheng tong kha chung nw haino hai. tangwi Puila jati hinkhe Bangladesh raida chayawi phainai rok mang achok jak tangwi NRC ungwi thang khe tamo ung nw. kwbwi kwthar ung khe tangwi TPF haikhe Vote boycott khaiya hinwi serep sarap salaio dopha rok.