Tini kwthar Garia biyak kwrwi mwtai nw Kherphang kwtal ni nogo tulang jak sinai

Udaipur Manikya kami ni Biyak kwrwi kwthar Baba Garia nw Amarpur Komlai kamini kherphang kwtal ni nogo tulang jaksinai tini Udaipur 25...

Udaipur Manikya kami ni Biyak kwrwi kwthar Baba Garia nw Amarpur Komlai kamini kherphang kwtal ni nogo tulang jaksinai tini

Udaipur 25 January (BN): Tini tulang jak sinai kami kwcham ni sepwi kwtal kherphang ni nogo. Manikya kami o bisi tham romwi Baba Garia biyak kwrwi tong ja mani tini simi khe thangwi tong jakha kwtal kami kwtal kherphang ni nogo Komlai kamio. 

Komlai kami ni luku rok Baba nw naising laija mani khalok laijak tei khatungmani bwkha phekhok laijak.

Haiphanu Okra rok chajak ya Mwtai chamrwi tolaigo humanu

Kwthar Baba Garia bwrwi baisi khapiya eba gothok ya hokhe bahai bw chamrwi thang manai. bw chini Jamatia Hoda ni raida eba laibuma rogno tola tikhlai mani kwlai jak baio hinwi khunao okra rogno khugo. 

Tabok bw kwbangma chaya kothai eba Kokborok bai miliya kothai rogno swi tong bai kho chini Hoda rok. Garia nw Goria, Chatai nok nw longhar khana rog hinwi kokthai swlai tongo.