Bwthar na naikha sakni aok ni bwsa nw Sabroom 14 September (BN): Tini Sabroom amchaio bwma sakni aok ni bwsanw bwthar na nai...
Bwthar na naikha sakni aok ni bwsa nwÂ
Sabroom 14 September (BN): Tini Sabroom amchaio bwma sakni aok ni bwsanw bwthar na naikha. Chini dopha samwng hwmwng kwrwi eba manthok liya ni bangwi bwsa bwtwi phalna ma cheng jakha - charo manya ungwi bwthar na manai jakha sakni bwsa bwtwi nw no. Abo simiya sakni Kidney rok bw serek serek phalwi tong baima nwk jagwi tongo.Â
Sarkar si swlai jagwi tong phanw borok le aghi hainw - aghini sai phanu bikhra khanghra chajak. Mwi phalnai rok bw Alu phalna chhep manliya bolong ni miya phalte phalte Wa basongsi kwmai thang sio. Tei dopha rok toma ungsinai sakni bwsa bwtwi nw bwtharna ma cheng jasinai ble.
Haiphanu chini Dopha rok baksa buksu tabok phanuk khasiya kho hinwi manu. Baksa ba sakni mwtai hamkugo hinwi walai lai jao, baksa ba nokni rang naharwi tongthok nase phalia. Baksa ba IPFT BJP hinwi nok rok soksa laio- chwrai ung thung sikla ung thung lama botok kebu nw naliya nwk liya bw flake nungwi berai hinglaijak.Â
Jephanu samwng khaidi haiphanu Swrwng nani tei thansa ungwi sakbai sak hamjak laina se chini samwng puila- Â chini Koklop eba kothomayung swi kwrwng rok samani "Mwnak ni Chati" chwngsa nai chini.Â
No comments