IPFT kwmai de thang nw? Ha ni bangwi joto nw swkang samwng tango, haiphanu Bidansabha paikha hinkhe joto ni nw  kwbwi mwkhan...
IPFT kwmai de thang nw?
Ha ni bangwi joto nw swkang samwng tango, haiphanu Bidansabha paikha hinkhe joto ni nw  kwbwi mwkhang phataro nwk jagwi thango. Tabok simiya chini Hasteni joto tangphang okra rok nw samwng tangma phermwng bai joto Dopha luku rok nw tong na keserwi thango. Dasarath Deb ni simi tabok jora kisa phanu pher ya. Borog simi chaya kwlai ya chini bwkung bara Dopha se tei bw chaya samwng khawi thango. Baksa ba rang ni bangwi baksa ba achok thai ni bangwi.Â
TIpraland ni bangwi mungsa sai manja liya tabok chini bw!
Kwbwi kwbwi thwinai khe chini Dopha se mai twi chayai khaiwi lama lama thampui watwi manjagwi ha nw sanja mani. 23 August 2016 oh ha santhani kung kolok rok bai eat bwthai bai nai kokjak bai mani, borok o sal rok nw pogwi thang baikha Bindansabha o kwplai ungwi thang ma bai nw.Â
Mokol ni mwktwi yorwi hani bangwi kotok kwchuwi chwrwi maniÂ
Pogwi thang kha o mwktwi rok nw. Borog bai tongna mwchuk ya ungwi Ha nw sanlai mani bwini Borok nw se haino hai TIPRALAND chwruwi tongma nwgwi tongo tabok joto nw. Dopha rok ebw joli jago ebw mok laijak . Borog party hap kha hinkhe Party ni seat bw haino hai ma bak phio nai. Ebw bw bakma nwk jagwi tongo. Phaithak o khe Dopha rok nw ma bughi bai jaonai. Borog khe mwkhang manwi thang sinai thwiya sak.Â
No comments