Swrwng nogo kisa phwrwng naijwk bai hinjakma bai thwikha khoroksa 9 oh swrwng tongja nai chwla Udaipur 30 August (BN): Tini Killa amc...
Swrwng nogo kisa phwrwng naijwk bai hinjakma bai thwikha khoroksa 9 oh swrwng tongja nai chwla
Udaipur 30 August (BN): Tini Killa amchaio haino hai khoroksa 9 class o swrwng tongja nai chwla kotok solowi thwi jao kha. Lahari Debbarma thwimani yakulo thwilai kha kotok solowi Aguli ung thung kamio ung thung, baksa ba Madhyamik fail ung mani thwikha baksa Hostel o thwikha. Killa amchaio haino hai Kainta kamio thwinai ni mwng ungkha Pradesh Jamatia, swrwng mani ung kha Garia Academy Model o. Tangwi Thwikha kokthuma manma twi- Swrwng nogo phwrwng nai jwkbai, swrwng nogo kwdwkma thang manliya ungwi Medical Certification riphaidi hinjak kha- riwi manliya ungwi, Haini bangwi bw kwdwkma kamio thangwi paikha. Bini bwma pha sung bai tesa Hostel riphaina naijak mani tei phaina soiliya Pradesh. Tei bw kokthuma mankha Phwrwngnai jwk Urmila Chakma bini bwrwi pal rogni bwskango bw bono mwkhang subai kha hinwi thwikha kotok solowi lachi mani bai.Â
Pradesh Jamatia ni sago kwdwkma romwi chwla ni tolani sago hamya ungma bai swrwng nogo phaija malia, kami thangwi uchai bai hamkha hinwi Medical Certification rowi manliya- Pha Darshan Jamatia bwma Kumari Bala Jamatia Doctor ni nogo Medical certification naina thangsani thwi paikha Pradesh.
No comments