Tipraland sanmwng Kwbwi kwthar de tong kho? Borok Dopha bukung bara TTAADC manmani yakulo phanu mungsa chhep manya khohinwi manu, h...
Tipraland sanmwng Kwbwi kwthar de tong kho?
Borok Dopha bukung bara TTAADC manmani yakulo phanu mungsa chhep manya khohinwi manu, haini bangwi Dopha rok TTAADC eba ADC nw TIPRAHA ma sanlai jakha.Â
Kisa bai sanmwng cheng lai jamani tabok belai kwbang ungwi thang kha. Swkango khe omo kunu party ya hinwi borok thunlai jamani tabok khe party swnam palai kha. IPFT party ni kwbangma samwng tang nai rognw bw party ni sokok khibi laikha. " HA" ni mwng bai belai politics thung laikha dopha rok. Bidhan sabha o IPFT tei BJP bai gothok laiwi CPIM bai batai thanio BJP IPFT sung kwplai ungkha. Abhoni yakulo N C Debbarma tei Maver Kumar Jamatia akorok kunu phanu kok sawi man liya Ha ni bangwi eba Tipraland ni bangwi. Tabok khe Wanjwi Dopha rok bw Tipraland nang mani eba IPFT party o hap mani nwk jagwi tongo. Kunu borok phanu tabok IPFT ni bangwi kok tisai man liya tangwi hinmale tabok IPFT party belai kotor party ungwi paikha. TIPRALAND ni bangwi kok tisai manya phanu Nrc ni bangwi khe uaisa uishu kok tisa laijao.Â
O mangphilio nwk jagwi tongo uansa dopha ni borok rog bw tabok TIPRAHA nango hinwi. Swkang khe uansa bai Tripura hasteo tongna mwchuk liya hinwi Tipraha sanma le tabok khe bahai uansa dophani borok nw party borok tiwi Ha sanlai mankha ba?Â
Ha sanani phan kwrwi kha IPFT party ni bokhrok rok. Haiphanu 23 August o khe TIPRALAND sanmani sal hinwi palai laijao IPFT ni neta rok. Ha toh manya kho nw haiphanu Sanmani sal hinwi belai hahom dodom khe palai ma nwk jago uansa dophani borok rok baio.
IPFT tei INPT eba Da Borok tei Bwlai borok ni uanswk mwng tabok kaisa hinwi manu, Ha ni bangwi khe joto nw kaham ni bangwi sanlai jao haiphanu paithago yaphang thwiwi nw thango. INPT le TTAADC phanu swnam kha hinwi manu haiphanu IPFT le kunu phanu Neta rok khai manliya hinwi manu. Tripura haste hinkhe Twibupra hinjago haini bangwi Twipra hinwi mwng rilai kha, haiphanu IPFT khe haihai nw mwng kwtal swnam lai phikha Tipra hinwi haihai nw kwtal party phaikhe kwtal swnam lai phionai hinwi dopha rok salai jao. Party le kotor ya chwng thansa ung nani bangwi si ma sakthar nai , rang ni bangwi  ya hanu bangwi si chwng samwng ma tang nai.
No comments