101 salni BJP - IPFT sarkar ni samwng- Tripura Kokborok news

Chief Minister Biplob Kumar Deb  101 sal Bjp ipft sarkar 25 bisi cpim sarkar ni yakulo bjp tei ipft sarkar phaikha. Bjp sarkar chongm...

Chief Minister Biplob Kumar Deb 

101 sal Bjp ipft sarkar

25 bisi cpim sarkar ni yakulo bjp tei ipft sarkar phaikha. Bjp sarkar chongmari ni swkang kwbangma omo khainai omo rinai hinwi kok samani kunu phanu khaijak ya kho tei rijak ya kho hinwi manu, aboni bangwi kwbang luku rok manthai nw man nani bangwi naising tong bai jamani man ya kho mungsa phanu.

Haiphanu bjp sarkar khe kwbangma nw khai kha hinwi sakha kokthoma thumnai rok nw. Swrapsa ni bisingo feinai jat mwnwi tei Drug ni free khaikha tei police mobile malkhung bw tikhlai kha hinwi sakha. O tikhlai ma rok luku ni bangwi kaham nw haiphanu omo Aguli eba Agartala simi nw ung nai.

Bjp sarkar ni report card tikhlai phunuk kha social media o luku rok 

100 salni samwng

IPFT bw kunu phanu tabok jora khai man liya Dopha ni bangwi kunu phanu. Ha ni bangwi borok  thum mani yakulo emang phunugwi bwkha swbai rikha dopha nw hai hinwi tabok ni simi nw chajak bai liya IPFT nw. 101 sal ung mani yakulo kunu phanu ha ni bangwi sai man liya. Kami amchaio aghi joto Cpim party khainai rok Ipft o hapwi rang ni kok mang si salai sio- kebo phanu ha ni bangwi uanswk nai kwrwi kha. Sal phairwrwk chini dopha bwkung bara ni borok kisa manu nwk jagwi tongo - je sijak rok hinkhe 10% ni sai kisawi thang nai hinwi kiri jagwi tong bai jakha belai belai nw.

IPFT Minister N C Debbarma 

Mwchang N C Debbarma minister man mani yakulo kunu phanu kok sai manlia hinwi luku rok mok laijak,thinango chini Minister Sir N C bw ha ni bangwi Haa rilang mankhe belai khe chamani.tabok phanu swkang ni hai TIPRAHA ni bangwi samwng tang khe thinango mwtai ungwi borok ni bwkhao khunum jagwi thang wanu.