Tripurao watwi phaina chengkha taklai ni Thangnai sal kisa romwi belai satung kwprab-ni bagwi tongkeseb-o kwlaiwi tongmani hasteni lukurok...
 Tripurao watwi phaina chengkha taklai niÂ
Thangnai sal kisa romwi belai satung kwprab-ni bagwi tongkeseb-o kwlaiwi tongmani hasteni lukurok . satung kwprab-ni yoknani bagwi juda juda lama rutuklaijak lukurok . Phiya jekhephano satung kwprab-ni yakni katiui manya wngwi tonglaimani. Watwi-ni mwkhang nukna bagwi jora nasingwi tonglaimani. Paithago Kwraksalni phungo watwini mwkhang nugui mankha Bubagrakhorni lukurok . hasteni juda juda thaio tangsalni horni simino khoroi kharai watwi uama nukjakmani . kisa misa nobar tei pherang kogwi juda juda thaio watwi uamani nukjakha kwraksalo . sal kolokmani ulo watwi-ni mwkhang nugui kha swranglaijak hasteni juda juda thaibai baksa bubagrakhorni lukurok . kwraksal wngkha thuruk tongtharni Eid Ul Fitter . Abono rwksaui haphangni sebuk khwlainairok-bo janija nogo tonglaimani lelamung manwi.Â
Borogni o lenglamung khatungmao teibo swlaiwi rwkha watwi nobar . swkang-rokni swlai kwraksalni phungni simino habanok-rok muthupjakni bagwi lukurokno aswk thanglaisu khwlaimani nukjakliya . abohaini bisingtwi phano baksa bororokno janija samung nangmani bagwi watwi bisingo phano chhati twilaiwi lamao nongkhorlaimani nukjakha . Abohaikhe kwraksalo bubagrakhor aguli-ni Ice Cream baniya khwlainai-no watwi-ni twi-bai bini baniyakhor-no sap-sutra khwlaimani nukjakha .
No comments