Ukraine ni Phainai rogno Delhi simi Tripura jora phaina chubakha Montri okra Biplab Kumar Deb sakni Salary ni - Tripura 04-03-2022: Hainoha...
Ukraine ni Phainai rogno Delhi simi Tripura jora phaina chubakha Montri okra Biplab Kumar Deb sakni Salary ni -
Tripura 04-03-2022: Hainohai Kok rwi kok narwkphikha hasteni montri okra Biplab Kumar Deb . haste Tripurani lukurokni bagwi samung tangnai, ani thani joto borogno baksa hwnwi kok rwmani mukthango nukjakphikha . swkango kok rwjak tongma haikheno Ukraine -o kwchajak hasteni rwng swrwngnai khoroknwino Sangrongsalo hasteo tubujakha montri okrani chaitokmungbai . tabuk hainohai Russia-Ukraine chobao kwchajak hasteni Rwng swrwngnairokno hasteo tubuna bagwi yapri naharjagwi tongo haste haphangni bwkhaktwi . Bharat haphangni Operation ganga mission-ni bisingtwi Air Force-ni chaitokmungbai tabuk twrwk twrwk khe Ukraine-ni tubujagwi tongo .
Abohaikhe Tripura hasteni rwng swrwngnairokbo Kiphilwi tongo Ukraine-ni. Hasteni rwng swrwngnairokno kiphilwi tubuthani belaino bolaijaknai uansukmung naharkha hasteni montri okra Biplab Kumar Deb . Ukraine-ni simi hasteo kiphilwi tongnairokno chubana bagwi yak pholokha montri okra. Delhi-ni simi Tripurao phaina bagwi birkhung bhara salary-ni rang rwnai hwnwi kok rwkha bo . abono twiwi Tweet khwlaiwi Montri okra swikha, Tripura hasteni lukurokni hamari tei hamjakmungni lakai ang subaiya . Ukraine-ni kiphilnai hasteni rwng swrwngnairokno Delhini simi Tripura phaina bagwi je nangmani birkhung bhara ani salary-ni rang rwnai’’.
No comments