Tripura ni Sikla rok sakbaithang bachana swrwngkha

 Tripura ni Sikla rok sakbaithang bachana swrwngkha আত্মনির্ভর ভারত slogan sakhwlaimani bharatni montri bokhorok Narendra Modi . o slogan-no...

 Tripura ni Sikla rok sakbaithang bachana swrwngkha

আত্মনির্ভর ভারত slogan sakhwlaimani bharatni montri bokhorok Narendra Modi . o slogan-no twiwi uaisa tei uaisa khorang tisaui tongmani hasteni montri okra Biplab kumar Deb . o slogan-bai kha bachajagwi umang charwi phunukha Tripura khoroksa sikla Rajib Debbarma . o sikla Engineering poriui tongo . bini sima nukmano samungo thepaui Karbook market-o “Chaham nok “mungwi khungsa kwtal restaurant choil khwlaikha . baithangni luajimungbaino restaurant phiyogwi khoroksa samung tangnairokno aro samung riui tongo Rajib . borogno talbrum brum tangrangbo rwjagwi tongo. Saui mankha, Rajib Debbarma o Restaurant-ni bisingtwi salbrum brum khoknwi sai rang ajiui tongo .

phasalo kwtal swnamjak Karbook market stall phiyokna thangwi Rajib Debbarma-ni Restaurant bwkhak mokol kwlaimani montri okrani . aboni ulono Restaurant bugra-bai thangwi kok saikha montri okra . Engineer poriui sakni sima nukmano samungo thepaui chamungni baniya khwlaima tei montri bokhorokni আত্মনির্ভর ভারত-ni naharmungo Rajib bwskango phaimano twiwi bolaikha montri okra . Restaurant-o samung tangnairok-baibo kok sakha tei bwskangni salo baniya teibo kuchugo kana bagwi haphangni bwkhaktwi chubamung rwna hwnwibo kok rwkha montri okra Biplab Kumar Deb .