Watwi nokbar narwkmanliya Montri okra no hamjakmwngo Montri Okra Biplab Kumar Deb-ni luku hamjakmung kasui manya watwi nobar. Jeswk phano p...
 Watwi nokbar narwkmanliya Montri okra no hamjakmwngo
Montri Okra Biplab Kumar Deb-ni luku hamjakmung kasui manya watwi nobar. Jeswk phano phaithun kebengmung Montri Okra-ni mwkhang thaisa naina bagwi nogo bwkha bathakya lukurokni . Kwraksalo aboni kubui mangpili swrai swrai wngphikha Mohanpur amchaio. A salo Mohanpur amchaini Tarapur High School pnathoro Kishan Nidhi-ni sep sap manai tei PMAY (Gramin)-ni sep manairokno twiwi songsajak lukuthum panda songsajakmani . aro thangwi manjakha Montri Okra Biplab Kumar Deb . lukurokni hamjakmung nugui belaino kha swrangjakha Montri Okra .
 Kok narwkna thangwi bo sakha, Montri Bokhorok Narendra Modi-ni sakao Tripurani lukurok poito tongma bagwino tinini o panda payasak Watwi hwnphano paithak joratwi tongkha lukurok . jetwikhe Montri Bokhorok Narendra Modi -no poito khwlaiwi tongo arono swrai swrai Tripurao BJPno kebengnai kebo kwrwi . a salo Montri Okra Biplab Kumar Deb teibo sakha, Ama chwngno o swngcharo tubukha tei Modi-ji Corona-ni jorao Lock down tonwi chamung tei vaccine riui lukurokno langma rwkha . tumung bo abohai khwlaiya hwnkhe tini aro watwi siui lukuthum panda khwlainani keboni phan tongwlak khamun .
A Salo kok narwkna thangwi Montri Okra Biplab Kumar Deb rwng swrwng bedekni tangbwtangni kokrokno khursakha . rwng swrwngni tangbwtangni kokrokno sana thangkhe damnwi jora nanganw . aswk watwi nobar-ni bisingo phano bachaui tongmani bagwi pandao manjaknai lukurokno hambai tei kha kaham yapharkha Montri Okra Biplab Kumar Deb .Â
 A salo Montri Okra Biplab Kumar Deb-no ganao manwi belaino kha swrangjaklaikha lukurok . Watwi-nobar-no mechenwi Montri Okra-ni mwkhang thaisano naina bagwi Mohanpur amchaini kwbangma lukurok kuthumlaikha pandao. Tei khaksa bwkhak, Montri Okra wngwi damsao simi achuk tongyaui watwi manjagwi-no lukurokbai kok sakha montri Okra Biplab Kumar Deb .
No comments