Ri kwtwng bakha Bjp President Rajib tei Gs Bipin Agartala 𝟑𝐫𝐝 𝐉𝐚𝐧𝐮𝐚𝐫𝐲 𝟐𝟎𝟐𝟓 : Phasalo Maharani Tulsibati Welfare Trust ni Sak...
Ri kwtwng bakha Bjp President Rajib tei Gs Bipin
Agartala 𝟑𝐫𝐝 𝐉𝐚𝐧𝐮𝐚𝐫𝐲 𝟐𝟎𝟐𝟓 : Phasalo Maharani Tulsibati Welfare Trust ni Saktharmung bai Bakjakha, Hathai Kotorni Khamting Amchaini Chukya Nukhungni Okra Chakra Rokno Kwchangma Jorani Blankets tei Rwngswrwngnairokno Geometry Box.
Salbrumno Dalbidal Lukuham Samungo Habao wngkhorjak, Maharani Tulsibati Welfare Trust ni President Bipin Debbarma. Bisibrumno Abohai Kwchangmani Jorao, Chukya Nukhungni Bororokno Richum tei Kanmung Chumung Bagwi Phaijak Maharani Tulsibati Welfare Trust. Abo Haikhe Phasalo Maharani Tulsibati Welfare Trust ni Saktharmung bai Hathai Kotorni Khamting Amchaini Chukya Nukhungni Okra Chakra Rokno Bakjakha Kwchangma Jorani Blankets tei Rwngswrwngnairokno Geometry Box. Pandao Manjakha Rajya Sabha ni MP Rajib Bhattacharjee, Maharani Tulsibati Welfare Trust ni President Bipin Debbarma, Lukuham Samung Khlainai Abhijit Debbarma, Upendra Debbarma, Bikash Debbarma tei Ajit Debbarma Akosong. Ah Salo Bebagwi 250 Nukhungni Okra Chakra Rokno Blankets tei Amchaini Poriwi Tongnai Kwbangma Chwrai Khonairokno Bakjakha Geometry Box.
Abohai Kwchangmani Jorao Magwnang Blankets Manmani bai Belaino Kha Tongthokjakmani Kok Sakha, Amchaini Lukurok.
Bwskangni Salo bo Kamini Amchaini Chukya Lukurokni bagwi Free Health Camp Khlaijaknai Honwi Sakha, Maharani Tulsibati Trust ni President Bipin Debbarma.
Blankets Bakmani Panda Paimani Yakulo Paithago Hathai Kotor Amchaini Lukurokno twiwi, Amchaini Dalbidal Jwngjalno twiwi Kok Salaikha Rajya Sabha ni MP Rajib Bhattacharjee tei Mwchang Bipin Debbarma.
No comments