Kokborok swi kwrwng mwtai chalangkha tini Tripura 8 Jan, 2025: Swikwrwng Laxmidhan Murasing tini phuwai/phung o naithok hayungni yakar kwlan...
Kokborok swi kwrwng mwtai chalangkha tini
Tripura 8 Jan, 2025: Swikwrwng Laxmidhan Murasing tini phuwai/phung o naithok hayungni yakar kwlangjakha chwngnw.
Boni Kokborok Literature ni chubamung laibuma ungwi tongnai Kokborok sanai dopha rogni khaio.
Bo khoroksa swikwrwng tei kaham phwrwng kwrwng tongja mani.
Bini bisingtwi kwbangma Kokborok kokbwkhal swijakkha, Kubuni kokni kokrok kokswlaijakkha, tei koklop swimungobo bini yak tongw.
Swikwrwng Sudhanwa Debbarmani kothomayung Hachuk khurio bebak bwkhakno thumwi kwrwngsa kaisakhe chabwi karithani bini kolomtwini bwthai tongo. Rabindra Nath Tagoreni Gura kothomayungno kokborogo kok swlaikha.
Bini Jabra kwlwio toksa rangchak koklop bijapni Twimani swraimung koklop Rwngnokyungo phwrwngjagwi tongo tei Sarwkma kokbwkhal bijapni Sinimung kokbwkhalbo rwngnokyungo phwrwngjagwi tongo. Raima kokrwbai bwlairogo bini swimungrok akhinino ongkhorkha.
No comments