Bihar ni Khoroknwi Bwrwi Romjakha Agartala o Ganja Bai Agartala 11 December, 2024: Kaisa team bisingtwi samung tangwi East Agartala ni pol...
Bihar ni Khoroknwi Bwrwi Romjakha Agartala o Ganja Bai
Agartala 11 December, 2024: Kaisa team bisingtwi samung tangwi East Agartala ni police rok Jogendranagar ni rail station ni simi buini haste o ganja tulangna bagwi hwijak koktwma manwi romwi mankha. Kaisa Team, Women Inspector Kamala Murasing, Narayan Dey, tei College Tilla Outpost ni OC Shyamal Debnath ni Twidulma bai Station Amchaio Naitukmung Khailaikha.
Operation khaima jorao 15 packet o packing khlaijak 8.4 kg ni sidhi kwran romwi mankha khoroknwi bwrwirokni thani- Putul Devi tei Sangeeta Devi Mandal, Bihar hasteo tongnai. Khoroknwi romjakmanu Court tulangna bangwi East Agartala Thanao Tubui Phaikha.
O khoroknwi Agartala ni Badharghat amchai ni Bihar o tulangna bagwi o ganja no manwi mankha, Bihar ni ganja phalnai khoroksa bai kwbangma rang ni deal khwlaina bagwi hwnwi sajak.
O khoroknwi bwrwino bichar o rohorjakha, sakha OC Rana Chatterjee omo nw twibw cherwi nainai hinwi.
No comments