Montri Bikash Debbarma BJP Membership panda sungsakha News 17 November 2024: Tiprasa hamkhwrai bedek ni montri Bikash debbarma ni twidul mu...
Montri Bikash Debbarma BJP Membership panda sungsakha
News 17 November 2024: Tiprasa hamkhwrai bedek ni montri Bikash debbarma ni twidul mung bai 17 November 2024 ,haiya khe ba sunday ni sal lenglama salo joining program songcha jakha 29 krishnapur ni bisingo khob jak 43 mail 18 mura wo. Aa amchai ni tiprasa luku rok bisi kolokma romui hamkhwrai khlai jakya tola wo kwlwk jak tabok bo. Phiya ba Tiprasa hamkhwrai bedek ni montri no luku rok hamjakoi vote rigui montri swnam rohor jakma ni ulo tiprasa rokni thinang ni rwng srwng nai rokno bwskango agok roi twlangna bagui school, hostel rokno mokol regoi naikol goi tongo tei je amchaio lama, twi, chung ferang, mobile network krwi aro rokgo montri sak baithang kwthang tong sak seb sab khlai nai hnwi sakha.
tei kwbangma tiprasa kami amchaio tabok bo machaya ma nwngya tongo Aa amchai rokgo chari nani khan rinani seb sab khlai nai hnwi luku krwngma pandao kok narukna thangui oh kokno sakha montri. Montri ni twidul mung bai Tini ni oh joining program wo cpim, Congress, Tipra Motha bodol yakarwi laigui 11 family ni 43 voter BJP bodol ni bana no rom laifai kha. Borokno bodol ni bana yafar goi lamsokgoi nahar kha haste ni tiprasa hamkhwrai bedek ni montri Bikash debbarma.
Omo nw karwi bw - 41 mail Raihamcha gutcha gram para ni tiprasa ni fal nokgo bathakgoi kaham hamya koktwma nahar kha montri. Phiyaba Aro kok khwrsathai kwlaio je montri ni thanio faigoi kebo ba tiprasa,kebo ba wansa kebo ba thuruksa faigoi chuba chu San nai rokno yak bwkcha kifil rigoi rohorya kha kuwar bai yafar rohor wo montri. Tiprasa luku rok Aa jorao montri ni thanio randi batta, rang poisa ni chuba chu, tei shiv mandir tangui ridi hnwi San laikha..
No comments