Bwrwi Cricketer Mitali Raj lenglamwng nakha thungmungni Mitali Raj khoroksa bwrwi cricket thwngkrwng. Swrang salo kainwi chinok sal romw...
Bwrwi Cricketer Mitali Raj lenglamwng nakha thungmungni
Mitali Raj khoroksa bwrwi cricket thwngkrwng. Swrang salo kainwi chinok sal romwi career khwlaima yak ulo hayungrwk cricket ni haba yakarna saklai kha bo. 232 ODI record-o sinisai char-ra ba run khwlaiwi Mitali bini kuchuk carer-no mithingwi rikha. Bo kai chinwi test tei kai charchi chuku T-20 hayungrwk thungmungo india-ni wngwi thwngkha.
Umor Bisi thamchi chuku Mitali wngkhepeni T-20 Format-ni simi haba yakarkha tei thanai March talo India-ni one day world cup thwng paima yak ulo joto format-ni thwngmung nono yakarwi rinani wansukmung naharkha.
Bisi bisi romwi norogni joto hamjakma tei chajakmung-ni bagwi norogno hambai. Norogni chajakma tei ruai-ni bagwi ang ani 2nd innings-ni bagwi nasingwi tongo. Swrang salo omohaino twitt khwlaiwi sakha Mitali Raj.
No comments