Russia-Ukraine Chobani kwcharo hainohai guli nangwi sak dukhumankha Bharatni khoroksa swrwngnai File Photo Russia-Ukraine Chobani kwcharo ...
Russia-Ukraine Chobani kwcharo hainohai guli nangwi sak dukhumankha Bharatni khoroksa swrwngnai
 |
| File Photo |
Russia-Ukraine Chobani kwcharo hainohai guli nangwi sak dukhumankha Bharatni khoroksa swrwngnai. Sangrongsalo bharatni o swrwngnai Ukraine-ni bugrakhor Kiev-ni simi Poland bwkhak thangwi tongphuru Russia-ni guli nangwi sak dukhumankha . logi logino bono Kiev-ni khungsa sakhamnogo twlangjakha . phiya swrwngnaini sinimung tabukno bwskango tubujagwlak hwnwi sakha Civil aviation-ni haste montri VK Singh . aboni swkangbo thangnai kwraksalo Karnataka-ni khoroksa rwng swrwngnai thwimani.
Mung Nabin Shekharappa . bo Medical College-o swrwngwi tongmani . tei khaksa bwkhak, bharatni kwchajak rwng swrwngnairokno hao kiphilwi tubuna bagwi chaitokjagwi tongo bharat haphangni bwkhaktwi . Montri bokhorokni dagimungbai Indian Air Force-rokno Operation Ganga Mission-o thepajakha . abohaikhe Ukraine-o kwchajak-rokno hao kiphilwi tubuna bagwi sangrongsalni simi samungo thepajakha Air Force-ni khungchi chuku birkhung . “Operation ganga” Mission-ni bisingo Air Force -rok Air India tei Indigo birkhungbai Ukraine-ni kwchajak rwng swrwrwngnairokno hao kiphilwi tubu uanw .
No comments