Hik khar thangjakha Em Rejesh Tripura ni PG Kamal Tripura Duty oh Phaimani Jorao Bwsaino Khibiwi, Nokni Jotto Manwi Khonwi Twlangwi Kharwi...
Hik khar thangjakha Em Rejesh Tripura ni PG Kamal Tripura
Duty oh Phaimani Jorao Bwsaino Khibiwi, Nokni Jotto Manwi Khonwi Twlangwi Kharwi Thangkha, EM Rajesh Tripura ni PG, Kamal Tripura ni Bihik Kabita Tripura. Suti Naowi Koktisal Horo Nogo Sogwimani yakulo, Bihikno Nogo Manwiya wngwi, Nokha Baiwi Kwlaikha Kamal Tripurani Bokhorogo. Patimung Bishramganj Thanani Pathalighat Amchaini Koktwma.
Sikla Siklirokni Slai, Nok Nukhung Khajak, Kaijak Bwrwi Chwlarok se Kharlainani Bataijak Tabukni oh Jorao. Abohai Belai Tolao Kwlaiwi Tongo, Chini Bisingni Tongkhor tei Tongmung Kaham. Khaksa Phaising Siklarokni Bisingo, Drugs Chalaimani Batailaimani, Tei Khaksa Phaising Kaijak Bwrwi Chwlarok, Alka Chwla Bwrwi bai Kharlaimani Batailaimung, Kasajak Koktwma Tabuk Bubago.
Abohai no kaisa Wanamasingsa Patimung, Bishramganj Thanani Pathalighat Amchaini Sokphaikha Koktwma. Koktisalo Duty oh Phaimani Jorao Bwsaino Khibiwi, Nokni Jotto Manwi Khonwi Twlangwi Kharwi Thangkha, EM Rajesh Tripura ni PG, Kamal Tripura ni Bihik Kabita Tripura. Koktisal Horo Suti Naowi Nogo Sogwimani yakulo, Bihik Kabita Tripua no Nogo Manwiliya Bwsai Kamal Tripura. Bwsai no Khibwi Kharwi Thangmani Logilogi, Logio Twlangwi Thang Baikha, Nukhugni Jotto Manwi Khonwirok. Kwrwikha Nok Kotor tei Nok Gantini Jotto Manwi Khonwirok. Koktisal Horo Nogo Sokphaiwi, Bihikno Nogo Manwiya wngwi, Nokha Baiwi Kwlaikha Kamal Tripurani Bokhorogo. Kha khamjakmani bai Chaya Nwngyawi, Nukao no Biscuit Packet Bowi, Hapung Kwchangma Chawi Hor Awikha, Bihik Kharjaknai Kamal Tripura. Kwchangmani bai Hapung Muktorwi Thangyani bagwi, Tangsal Phungo bo, Nukao Thujak Manwikha Bono, Amchaini Koktwma Thumanirok. Bihik bai Khibwi Kwlangjak, Kha Sutrang Kamal Tripurano, kwchama Chajakhe Nukao Thajak Nugwi, Kha Khamjaklaikha Kamini Jotto Lukurok.
Patimungni yakulo Bishramganj Thanao Missing Diary Khlaikha Kamal Tripura Mungwi, ADC ni EM Rajesh Tripurani PG Khlainai Police Adong. Kamal Tripura ni Nukhungni Koktwma no Khonawi, Bihik Kabita Tripura ni Tongmung no twiwi, Sejamani Kok Salaikha Amchaini jotto Lukurok.
https://youtu.be/NEUQrRQRcwk
Source - Chini Khorang
No comments