Anaemia tei TB bemar-ni yak kakjak Tripura swnamna bagwi chengjakha nokha sal chibani campaign

Anaemia tei TB bemar-ni yak kakjak Tripura swnamna bagwi chengjakha nokha sal chibani campaign Tripura 24-02-2022 : Montri okra Biplab Kuma...

Anaemia tei TB bemar-ni yak kakjak Tripura swnamna bagwi chengjakha nokha sal chibani campaign

Tripura 24-02-2022: Montri okra Biplab Kumar Debni naikolmungo dalbidal luku hamkraini bagwi samung bwtang yago naharwi samung tangjagwi tongo . haste sakham bedekni bwkhaktwibo podrepot yapri naharjagwi tongo dosani yak kakrwna bagwi . tabuk hainohai kwtal khe luku hamkraini bagwi yapri naharkha haste haphang . cherai-rokno wngkha hani thinang, o cherairokni langmao sak kaham tongwi mana bagwi sangrongsalo chengjakha Anemia tei TB ni nyak kakjak haste swnamnano twiwi special campaign Swastha Tripura -Shreshtha Tripura . nokha salchibani bagwi o samung bwtangno bugrakhorni Muktadhara Auditorium hall-o chengwi rwjakha montri okra Biplab Kumar Deb-ni yak romwi .

A salo Montri Okra Biplab Kumar Deb chati mwchwngwi chengwi rwkha haste beremni Intensified Pulse Polio Immunization samung bwtang . a salo montri okranio karwibo manjaklaikha rwng bedekni dagiphang Chandni Chandan, sakham bedekni Principal Secretary Jitendra Kumar Sinha , Health Service-ni Director Dr. Shubasish Debbarma tei NHMni Director Shidhartha Shib Jaspal akosong . Montri bokhorok Narendra Modi bwskang 2025 bisini bisingo Anemia tei TB ni yak kakjak bharat haktor swnamna bagwi samung bwtang yago naharmani . athani laibuma khursajaknai uansukmung naharmani Montri bokhorok . aboni bedek wngwino Swastha Tripura -Shreshtha Tripura tangbwtang yago naharjakha hwnwi sakha montri Okra Biplab Kumar Deb .