Garia Academy model 16th annual day o phai manjak phaikha Hasteni Rajyapal Prof. Kaptan Singh Solanki ••• Highlights News ••• ...
Garia Academy model 16th annual day o phai manjak phaikha Hasteni Rajyapal Prof. Kaptan Singh Solanki
••• Highlights News •••
• Rajyapal phai manjak phaikha Garia Academy Annual day o
• Chief guest o tongo Swami Sarad Puri Maharaj (Adhyakhya, Shiv Dayle Ashram, Haridwar)
• Jamatia Hoda ni Raida nw naikol nai tei haste ni Law secretary o barja manjak Data Mohan Jamatia ako rok
• Killa Amchai ni MLA Ram Pada Jamatia phai manjak phaikha
• Garia Academy nw 12th class jora khainani kok rok salai kha
 |
| (Sakni Mangphli tisa mani) |
Udaipur 25 November (BN): Tini Garia Academy (Model) o annual day ora kwbangma haste ni Mangunang taphang rok phai sok phai bai kha. Tripura hasteni Rajyapal Prof. Kaptan Singh Solanki tei Chief Guest o tongo Swami Sarad Puri Maharaj tei Killa amchai ni MLA Ram Pada Jamatia tei Jamatia Hoda okra Khoroknwi Shri. Pulindra Kumar Jamatia tei Padma Lila Jamatia tei Jamatia hoda ni Legal Advisor tei Law Secretary Tripura haste ni Data Mohan Jamatia ako rok.
Opandao Garia Academy nw tei bw kwchuk tisa wani rwng nok nw Higher Secondary swnam nani tei rwng nogo phwrang wani bangwi Teachers rok nang mani kok rok salai mani nwk jagao.
Tini Hasteni Rajyapal o pandao sok phaiwi belai khatung jakha. boni uanswk mani sai kwchugo khe nwkha hinwi sakha. belai khatung jakha haste ni rajyapal o pandao mwsamwng rwchapmwng raida tei ker kwthar nw twi tongma nwgwi.
Garia Academy uanswk mwng ung kha Aguli eba Town rogo phwrwng wani eba thangwi swrwng tong wani bangwi belai rang puisa nang mani bangwi belai chini dopha ni chwrai rok pori maya ungwi thango. haini bangwi kami o school kaham khaiwi swnamwi kwlai bai phwrwng mankhe chini dopha si kwchuk kanai hinwi bw sakha.
No comments